६० किलो सुन तस्करी प्रकरण : अनुसन्धानका लागि सीआईबीका एसएसपी हङकङ जाँदै
६० किलो सुन तस्करी प्रकरणको अनुसन्धानका लागि सीआईबीका एक जना एसएसपी हङकङ जाने भएका छन् ।
गत साउन ३ गते त्रिभुवन अन्तर्राष्ट्रिय विमानस्थलबाट जाँचपास भई बाहिरिएको सुन प्रहरीले बरामद गरेको थियो ।
उक्त सुन प्रकरणमा मुछिएका केही विदेशी नागरिकको अनुसन्धानका लागि प्रहरी वरिष्ठ उपरीक्षक दिनेश आचार्य हङकङ जाने भएका हुन् ।
हङकङबाटै तस्करी गरेर ल्याएको ६० किलो ७ सय १६ ग्राम सुन राजस्व अनुसन्धान विभागले साउन ३ मा बरामद गरेको थियो ।
विभागले अनुसन्धानको जिम्मेवारी साउन २१ मा सीआईबीलाई हस्तान्तरण गरेको थियो ।
प्रहरी वरिष्ठ उपरीक्षक आचार्य इन्टरपोल हङकङसँगको समन्वयमा हङकङ जान लागेको सीआईबीले बताएको छ ।
मङ्गलबार १२ भदौ २०८० ०६:४२ PM मा प्रकाशित
ट्रेण्डिङ समाचार
ताजा समाचार
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
प्रतिक्रिया