रूकुममा पहिरोमा परी आमा–छोरीको मृत्यु, एक घाइते
रुकुम । पश्चिम रूकुमको जाजरकोटभेरी नगरपालिका वडा नम्बर १ मा हिजो पहिरोमा परी आमा–छोरीको मृत्यु भएको छ । जाजरकोट भेरी नगरपालिका–१ मैदेकी ३० वर्षीया बालमती राना र उनकी २ वर्षीया छोरी प्रतीक्षा रानाको पहिरोमा परी मृत्यु भएको हो ।
साथै बालमतीकीकै ७ वर्षीया छोरी तिर्सना राना भने घाइते भएको जिल्ला प्रहरी कार्यलय रूकुमले जनाएको छ । जाजकोट जिल्ला अस्पतालमा उपचार भइरहेकी तिर्सनाको अवस्था भने गम्भीर भएको प्रहरीले बताएको छ ।
जाजरकोटको नलगाड नगरपालिकामा रहेको माइतीबाट घरतर्फ फर्कदै गरेका उनीहरू पश्चिम रूकुमको आठबिसकोट नगरपालिका–१४ पिपलचौर स्थित छेपारे सामुदायिक वनको भवनमा ओत लागेका बेला हिजो दिउँसो साढे ३ बजे माथिबाट खसेको पहिरोले उनीहरूलाई पुरेको थियो ।
पहिरोले भवन पुरेको थाहा पाएर स्थानीय र प्रहरीले खोजी कार्य गर्दा तिर्सना जिवितै फेला परेकी हुन भने दुई जना मृत अवस्थामा भेटिएका थिए ।
ट्रेण्डिङ समाचार
ताजा समाचार
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
प्रतिक्रिया