अध्यक्ष नेपाल र मलेसियाका गृहमन्त्रीबीच भेटवार्ता
नेकपा (एकीकृत समाजवादी) का अध्यक्ष माधवकुमार नेपाल र मलेसियाका गृहमन्त्री सैफुद्दीन नासुसनबीच भेटवार्ता भएको छ । अध्यक्ष नेपाल इण्डोनेसिया हुँदै गए राति मलेसिया पुग्नुभएको थियो ।
पार्टीका अध्यक्ष एवं पूर्वप्रधानमन्त्री नेपालले मलेसियाको राजधानी क्वालालम्पुरमा त्यहाँका गृहमन्त्रीसँग भेटवार्ता गर्नुभएको सो पार्टीले जनाएको छ । भेटमा नेपाल र मलेसियाबीचको मैत्री सम्बन्ध तथा दुई देशीय सहयोग र हितका पक्षमा छलफल भएको जनाइएको छ । अध्यक्ष नेपाल सिङ्गापुरको भ्रमण सकेर केही दिनमा स्वदेश फर्कने कार्यक्रम रहेको छ ।
अन्तर्राष्ट्रिय कम्युनिष्ट पार्टीको बैठकमा सहभागी हुन गत आइतबार अध्यक्ष नेपाल इन्डोनेसिया प्रस्थान गर्नुभएको थियो । उक्त बैठकमा सहभागी राष्ट्रका प्रतिनिधिले सम्बन्धित मुलुकका विकास निर्माण तथा शासन प्रणालीमा कम्युनिष्ट पार्टीको अवस्थाबारे अनुभव आदानप्रदान भएको सो पार्टीले जनाएको छ ।–––
ट्रेण्डिङ समाचार
ताजा समाचार
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
प्रतिक्रिया