चीन र अल्बानियाबीच गहिरो मित्रता : राष्ट्रध्यक्ष सी

चिनियाँ राष्ट्राध्यक्ष सी चिनफिङले बज्रम बेगाजलाई अल्बानियाको नयाँ राष्ट्रपतिमा निर्वाचित भएकोमा बधाइ सन्देश पठाउँदै चीन र अल्बानियाबीच गहिरो परम्परागत मित्रता रहेको बताएका छन् । 

सन्देशमा सीले हालैका वर्षहरूमा दुई देशले ‘बेल्ट एण्ड रोड÷ को संयुक्त निर्माण र चीन–सीईईसी (मध्य र पूर्वी युरोपेली देशहरू) सहयोग मञ्चको रूपमा राजनीतिक पारस्परिक विश्वास बढाएको बताएका छन् । उनले नीतिगत सञ्चारलाई सुदृढ गर्न र व्यावहारिक सहयोग प्रवर्द्धन गर्नुका साथै आपसी सम्बन्धले नयाँ प्रगति गरेको पनि उल्लेख गरेका छन् । 

बधाई सन्देशमा राष्ट्राध्यक्ष सीले आफूले चीन–अल्बानिया सम्बन्धको विकासलाई ठूलो महत्व दिएको बताउँदै राष्ट्रपति बेगाजसँग विभिन्न क्षेत्रमा आपसी आदानप्रदानलाई अझ गहन पार्न, पारस्परिक लाभकारी सहयोगको नतिजालाई सुदृढ पार्न र दुई देश तथा दुई देशका जनतामाझ फाइदा सिर्जना गर्न इच्छुक रहेको बताएका छन् ।