११ महिनामा १५ खर्ब ७७ अर्ब रुपैयाँको व्यापार घाटा
चालु आर्थिक वर्षको ११ महिनामा नेपालको व्यापार घाटा १५ खर्ब ७७ अर्ब रुपैयाँ पुगेको छ ।
भन्सार विभागले आज मङ्गलवार सार्वजनिक गरेको गएको साउनदेखि जेठसम्मको वैदेशिक व्यापारको तथ्याङ्कअनुसार नेपालको व्यापार घाटा ११ महिनामा १५ खर्ब ७७ अर्ब ३८ करोड रुपैयाँ पुगेको हो । यो गएकाे वर्षको तुलनामा २५ प्रतिशतले धेरै हो ।
११ महिनामा नेपालले १७ खर्ब ६३ अर्ब २२ करोड रुपैयाँको वस्तु आयात गरेको छ भने एक खर्ब ८५ अर्ब ८३ करोड रुपैयाँको वस्तु निर्यात गरेको छ । आयात २७ दशमलव ५ प्रतिशतले र निर्यात ५३ दशमलव ३ प्रतिशतले बढेको छ । कुल वैदेशिक व्यापारमा आयातको हिस्सा ९० दशमलव ४७ प्रतिशत रहेको छ ।
मङ्गलबार ७ असार २०७९ ०४:३० PM मा प्रकाशित
ट्रेण्डिङ समाचार
ताजा समाचार
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
प्रतिक्रिया