पशुतिनाथ मन्दिर आसपासका क्षेत्रमा सफाई अभियान तिब्र
काठमाडौं । पशुपति क्षेत्र विकास कोषले पशुपतिनाथ मन्दिर परिसर आसपासका क्षेत्रमा सरसफाई अभियानलाई तिब्र पारेको छ । अभियानको अहिले दोस्रोे चरण चलिरहेको छ ।
सरसफाई अभियानमा संस्कृति, पर्यटन तथा नागरिक उड्ड्यन मन्त्री सुदन किराँती पनि सहभागि भएका छन् । मन्त्री किराँती क्षेत्र विकास कोषले गरेको दोस्रो चरणको सफाई अभियानमा सहभागि भएका हुन् । शनिवार बिहान ७ः३० बजेबाट सुरु भएको सफाई अभियान सुर्यघाट, गौरीघाट, किराँतेश्वर, कैलास, हिमाकुण्ड लगायतका क्षेत्र चल्नेछ ।
विकास कोषका कार्यकारी निर्देशक डा. घनश्याम खतिवडाले सफाई अभियान तीन महिनासम्म चल्ने बताए । उनले भने,‘पशुपतिनाथ मन्दिर आसपासका क्षेत्रमा रहेका प्लाष्टिक तथा शिशाजन्य फोहर बढेर गए । त्यसलाई व्यवस्थापन गर्नु पर्ने देखियो । त्यसो हुँदा कोषले सफाई अभियान सुरु गरेको हो । अहिले अभियानको दोस्रो चरण चलिरहेको छ । अभियान तीन महिनासम्म चल्नेछ ।’
पशुपतिनाथ मन्दिर हुँदै बग्ने बाग्मती नदी आसपासका क्षेत्रमा पनि सफाई अभियान चल्नेछ । शव दहनपछि बगाईने फोहरका कारण नदी प्रदुषित हुँदै आएको छ । सफाई अभियान त्यस्ता फोहर संकलनमा पनि केन्द्रीत रहनेछ ।
ट्रेण्डिङ समाचार
ताजा समाचार
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
प्रतिक्रिया