५ दिनपछि बिहे गर्ने तयारीमा रहेका नागा शौर्य सेटमै बेहोस
एजेन्सी । टलिउड अभिनेता नागा शौर्यको बारेमा एउटा ठूलो खबर बाहिर आएको छ । कृष्ण वृन्द विहारी र लक्ष्य जस्ता फिल्ममा आफ्नो दमदार अभिनयले फ्यानको मन जितेका नागा शौर्य सोमबार फिल्मको सुटिङका क्रममा बेहोस भएका छन् ।
नागा ‘एनएच २४’ को सुटिङमा थिए । नागा अचानक बेहोस भएसँगै सेटमा उपस्थित सबैजना निकै नर्भस भए । अभिनेतालाई तत्काल अस्पताल भर्ना गरिएको थियो।
टाइम्स अफ इन्डियाका अनुसार नागा शौर्य सेटमा हाई ग्रेड भाइरल ज्वरो र डिहाइड्रेसनका कारण बेहोस भएका थिए । फिल्ममा आफ्नो भूमिकाका लागि उनी कडा गैर तरल आहारमा थिए। उनलाई एसियन इन्स्टिच्युट अफ ग्यास्ट्रोएन्टेरोलजी (एआईजी) मा भर्ना गरिएको थियो ।
योसँगै फिल्मकर्मीले उनको मांसपेशी देखाउनका लागि उनलाई केही दिनसम्म निर्जलीकरण गरेको पनि बताइएको छ । सोही समयमा नागालाई खनिजको कमीले गर्दा, उनी कमजोर र चक्कर आएको हो । अहिले नागाको स्वास्थ्य ठीक छ । चिकित्सकले चिन्ता लिनुपर्ने कुरा नभएको र उनको स्वास्थ्य अवस्था स्थिर भएपछि निको हुने बताएका छन् ।
नागा शौर्य यही महिना नोभेम्बर २० मा आफ्नी प्रेमिका अनुषा शेट्टीसँग विवाह बन्धनमा बाँधिदैछन् । अनुशा बैंगलोरमा बस्छिन् र पेशाले इन्टेरियर डिजाइनर हुन्। हालै उनको विवाहको कार्डको भिडियो पनि भाइरल भएको थियो । यस भिडियोमा डिजिटल कार्डमा नागा र अनुशाको विवाह कहिले र कहाँ धूमधामका साथ हुने बताइएको छ ।
नोभेम्बर १९ मा उनीहरूको विवाहको कार्यक्रम सुरु हुनेछ, जसमा हल्दी, मेहन्दी र संगीत समावेश छ। अर्कोतर्फ २० गते यो जोडीले पूर्ण अनुष्ठानसहित सात फेरो लिदैछन् । यति मात्र होइन, विवाहको कार्डमा दुवैको विवाहको ड्रेस कोड पनि दिइएको छ ।
ट्रेण्डिङ समाचार
ताजा समाचार
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
प्रतिक्रिया