ठगी आरोपमा पक्राउ पृथ्वी शाहसहित ६ जना पुर्पक्षका लागि थुनामा
काठमाडौं । ठगी, सार्वजनिक लिखत कीर्ते र संगठित अपराध सम्बन्धी कसूरमा पृथ्वीबहादुर शाहसहित ६ जनालाई पुर्पक्षका लागि थुनामा पठाउन अदालतले आदेश दिएको छ । जिल्ला अदालत काठमाडौंले ठगी र कीर्तेसहित चार मुद्दा लगाइएका शाहलाई जेल चलान गर्न आदेश दिएको हो।
काठमाडौं जिल्ला अदालतले शाह र उनका भाइ विजयविक्रम शाहसहित ६ जनालाई कारागारमा चलान गर्न आदेश दिएको हो। पक्राउ परेकामध्ये ६ जनालाई अदालतको आदेशअनुसार थुनामा पठाइएको नेपाल प्रहरीको केन्द्रीय अनुसन्धान ब्यूरो सीआईबीले जनाएको छ।
पक्राउ परेका ७ प्रतिवादीमध्ये भक्तपुरकी २४ वर्षीया विनिता तामाङलाई चाहिँ ५० हजार रुपैयाँ धरौटीमा छाड्ने आदेश भएको केन्द्रीय अनुसन्धान ब्यूरो (सीआईबी) ले जनाएको छ । अछाम घर भएका ३५ वर्षीय शाहसहित ७ जनालाई केन्द्रीय अनुसन्धान ब्यूरोले गत पुस २२ पक्राउ गरेर अनुसन्धान थालेको थियो। यो प्रकरणमा अन्य १३ जना अझै फरार छन्।
ट्रेण्डिङ समाचार
ताजा समाचार
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
प्रतिक्रिया