भीम रावलको माया लाग्या भए अछाम जानुस्- अध्यक्ष ओली
काठमाडौं । नेकपा एमालेको चुनावी सभामा कार्यकर्ताले भीम रावलको नाम लिएपछि अध्यक्ष केपी शर्मा ओली रिसाएका छन् । दैलेखमा आयोजित चुनावी सभामा सभाबाट भीम रावलको नाम आएपछि ओली झोक्किए ।
कार्यकर्ताले ‘भीम रावल खै’ भन्दै प्रश्न गरे । पटक-पटक कार्यकर्ताले भीम रावल भनेपछि ओली झोक्किए । भीम रावलको नाम लिनेहरुलाई ओलीले जवाफ फर्काए, ‘चुप लागेर बस्नुस् । भीम रावलको माया लाग्या भए अछाम त्यहीँ पारिपट्टि छ, जानुस् ।’
यसअघिका अन्य केही कार्यक्रममा समेत कार्यकर्ताले भीमरावलबारे ओलीसँग सोधिखोजी गर्दै आएका छन् । भीम रावल अछाम-१ बाट प्रतिनिधिसभाको उम्मेदवारका आकांक्षी थिए । उनलाई टिकट नदिइएको भन्दै कार्यकर्ताले पार्टी अध्यक्ष ओलीलाई प्रश्न गर्दै आएका हुन् ।
आइतबार २७ कात्तिक २०७९ ०८:०५ PM मा प्रकाशित
ट्रेण्डिङ समाचार
ताजा समाचार
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
प्रतिक्रिया