नेपाली कांग्रेसले खाणलाई तत्काल निलम्बन नगर्ने
काठमाडौं । नेपाली कांग्रेसले नक्कली भुटानी शरणार्थी प्रकरणमा पक्राउ परेका केन्द्रीय सदस्य बालकृष्ण खाणलाई तत्काल निलम्बन नगर्ने भएको छ।
पूर्वगृहमन्त्रीसमेत रहेका खाण भुटानी शरणार्थी प्रकरणमा मुछिएका छन्।पक्राउ परेका खाण गृहमन्त्री रहेका बेला खाणकै रोजाईका गृह सभिव टेकनारायण पाण्डेले पोलेपछि प्रहरीले बुधबार पक्राउ गरेको थियो।
बैठकमा खाणमाथि गम्भीर अभियोग लागेकोले पार्टीबाट निलम्बन गरिनुपर्ने पक्ष महामन्त्रीद्धय गगन थापा र विश्वप्रकाश शर्मा लगायतका पदाधिकारी रहे पनि सभापति देउवाको अनिच्क्षाका कारण निर्णय हुन सकेन ।
नक्कली भुटानी शरणार्थी प्रकरणमा खाणको संलग्नता पुष्टि नभइसकेकोले अहिले नै निलम्बन गर्नु नपर्ने कुरा देउवा पक्षका पदाधिकारी पूर्णवहादुर खड्का समेतको मत रहेको छ ।
‘कुनै मुद्दामा व्यक्तिलाई पक्राउ गर्नेबित्तिकै ऊ दोषी हो भन्न मिल्दैन। त्यसलाई अभियुक्तका रूपमा लिइन्छ। अदालतबाट फैसला भइसकेपछि मात्रै दोषी ठहर हुने हो। नक्कली भुटानी शरणार्थी बनाउने प्रकरणबारे सरकारले निष्पक्ष छानबिन गर्नुपर्छ,’ बैठकपछि सहमहामन्त्री जीवन परियारले पत्रकारहरुसँग भने, ‘दोषीलाई कुनै पनि हालतमा छोड्न हुँदैन, निर्दोष पर्न हुन्न।’
कांग्रेस नेता खाणले अनुसन्धानलाई सहयोग गरिरहेको उनले बताए।
‘हाम्रो पार्टीका नेता खाणले अनुसन्धानलाई सहयोग पुर्याउनुभएको छ,’ उनले भने, ‘कांग्रेस दोषीलाई उम्काउने पक्षमा छैन, सत्यतथ्य छानबिन होस्। अनुसन्धानलाई सहयोग गर्ने कुरामा पार्टी एकमत छ।’
एमालेले टोपबहादुर रायमाझीलाई सचिवबाट निलम्बन गरेको विषयसमेत छलफलमा आएको उनले बताए।
‘दोषी ठहरिए के गर्ने भन्ने अदालतको निर्णयपछि नै केही निर्णय होला,’ उनले भने, ‘अदालतमा विचाराधीन विषयमा कांग्रेसले आधिकारिक धारणा अहिले नै बनाएर जान हुन्न।’
पदाधिकारी तथा पूर्वपदाधिकारी बैठकमा कुनै पनि विवाद नरहेको उनले दाबी गरेका छन्।
विहीबारको बैठकमा नीति अधिवेशन, केन्द्रीय समिति बैठक, भ्रातृ तथा विभागलाई पूर्णतालगायत विषयमा पनि छलफल भएको थियो। कांग्रेस विधानअनुसार पार्टीको आधिकारिक निर्णय केन्द्रीय कार्यसमिति र केन्द्रीय कार्यसम्पादन समितिले मात्रै गर्न सक्छ।
अब छिट्टै बस्ने केन्द्रीय समिति बैठकमा पनि खाणबारे छलफल हुने एक पदाधिकारीले बताए।
खाणलाई निलम्बन गरेर जानुपर्छ र अहिले नै निलम्बन गर्न हुन्न भन्ने मत पार्टीभित्र देखिएको छ। जुन दिन केन्द्रीय समिति बैठक बस्छ, सो बेला यो विषय छलफल भएर निर्णय हुन्छ, ती पदाधिकारीले भने, पदाधिकारी बैठकले त केही निर्णय नै गर्न सक्दैन।
पदाधिकारी बैठक पहिले सभापति देउवा र उपप्रधानमन्त्री समेत रहेका पूर्ण बहादुर खड्का प्रधानमन्त्री पुष्पकमल दाहाल प्रचण्डलाई भेटेका थिए । बालुवाटार स्रोतका अनुसार खाणको गिरफ्तारीले देउवालाई मर्माहत बनाएको छ ।
उनी निकै गम्भीर मुडमा रहेका छन् । पदाधिकारी बैठकमा पनि देउवा मौन नै रहेका थिए । गिरफ्तार खाणलाई प्रहरी परिसर टेकुमा राखिएको छ । उनलाई थप छानविन गर्न बुधबार प्रहरीले ४ दिनको म्याद लिएको छ ।
ट्रेण्डिङ समाचार
ताजा समाचार
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
प्रतिक्रिया