गैरकानुनी ढंगले अपार्टमेन्ट बनाउँदा जमिन भासिँयो, स्थानीयको भागाभाग
ललितपुर । ललितपुरको बखुन्डोलमा निर्माणधीन समिट अपाटमेन्ट बनाउने क्रममा स्थानीयको घर र जमिन भासिएपछि स्थानीय भागाभाग भएको छ ।
अपाटमेन्ट बन्दै गरेको ठाउँ वरिपरिका स्थानीयका घरहरू भासिनुका साथै जमिन चिराचिरा परेपछि शुक्रबार राति सो क्षेत्रका स्थानीयको भागाभाग भएको थियो ।
के कारण जमिन भासियो भन्ने जानकारी नआएको स्थानीय प्रहरीले जानकारी दिएको छ । घर र जमिन भासिएपछि स्थानीय भागदौड गर्दा १० जना घाइते भएको प्रहरी परिसर ललितपुरले जानकारी दिएको छ । अपाटमेन्ट वरिपरिका घरहरू एकतला भन्दा बढी भासिएको स्थानीय सुरेन्द्र श्रेष्ठले जानकारी दिए ।
अपार्टमेन्ट बनाउनका लागि सम्बन्धित वडा र अन्य कुनै पनि निकायबाट अनुमति नलिएको पनि स्थानीयले दाबी गरेका छन् । नक्सा पास नै नगरी र आफूहरूसँग अनुमतिसमेत नलिई अपार्टमेन्ट बनाउन शुरू गरेपछि घर भासिन पुगेको भन्दै स्थानीयले आक्रोश पोखेका छन् ।
पीडित स्थानीयले आफूहरूको बास बस्ने ठाउँ नभएकाले तत्काल बासको व्यवस्था गरिदिन आग्रह गरेका छन् । गैरकानुनी ढंगले अपार्टमेन्ट बनाउने र आफूहरूलाई घरबारविहीन बनाउने पक्षलाई तत्काल कारबाही गर्न स्थानीयले माग गरेका छन् । नेपाल समाचारपत्र दैनिकबाट
ट्रेण्डिङ समाचार
ताजा समाचार
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
प्रतिक्रिया