ललितपुर मेयर च्याम्पियनसिप : लुम्बिनीको रोमाञ्चक जित
ललितपुर मेयर महिला टी–२० च्याम्पियनसिपमा लुम्बिनी प्रदेशले विजयी सुरुवात गरेको छ ।
लुम्बिनीले बुधबारको दोस्रो खेलमा ललितपुर मेयर–११ माथि २ रनको रोमाञ्चक जित हात पारेको हो । ९५ रनको लक्ष्य पछ्याएको ललितपुरले २० ओरभ नै ब्याटिङ गरे पनि ९ विकेट गुमाउँदै ९२ रन मात्र बनाउन सक्यो ।
ललितपुरका लागि कञ्चन श्रेष्ठले सर्वाधिक २२ रनको योगदान दिइन् । अस्मिना कर्माचार्यले २०, साना प्रविनले १२ तथा समुन खतिवडाले ११ रनको योगदन दिँदा अन्य ब्याटरले दोहोरो अंकमा रन जोड्न सकेनन् ।
लुम्बिनीका लागि नेरी थापाले चार, कीर्तिका मरासिनीले तीन तथा सुस्मिता भुषालले दुई विकेट हात पारे ।
यसअघि त्रिवि क्रिकेट मैदानमा टस जितेर ब्याटिङ रोजेको लुम्बिनीले निर्धारित २० ओभरमा ४ विकेट गुमाउँदै ९४ रन बनाएको थियो ।
लुम्बिनीका लागि कप्तान सरस्वती जिएमले सर्वाधिक ३१ रनको योगदान दिइन् । सरस्वती पुन २० रनमा अविजित रहँदा नेरी थापाले १५ रन बनाइन् ।
ललितपुरका लागि सुमन खतिवडाले तीन तथा शिला क्षेत्रीले एक विकेट हात पारे ।
यो जितसँगै सुखद् सुरुवात गरेको लुम्बिनीले दुई अंक जोड्दा लगातार दोस्रो पराजय बेहोरेको ललितपुर अंकविहीन छ । ललितपुरले सुदूरपश्चिम प्रदेशसँगको पहिलो खेल ५८ रनले गुमाएको थियो ।
ट्रेण्डिङ समाचार
ताजा समाचार
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
प्रतिक्रिया