एलआइसी इन्डियाले ८ अर्ब डलरको आइपीओ जारी गर्ने
काठमाडौं : स्भारत सरकारद्वारा सञ्चालित लाइफ इन्सुरेन्स कर्पोरेसन अफ इन्डिया एलआइसीले करिब ८ अर्ब अमेरिकी डलर बराबरको आइपीओ बिक्री गर्ने भएको छ । एलआइसीले ५५ सेयर बिक्री गर्नका लागि अनुमति माग्दै भारतीय नियामकसमक्ष विवरणपत्रको मस्यौदा पनि पेश गरेको छ । मोदी सरकारले चालु आर्थिक वर्षका लागि आफ्नो लगानी विनिवेश लक्ष्य पूरा गर्ने योजना अनुसार आइपीओ बिक्री गर्न लागेको बताइएको छ ।
आइतबार पेश गरेको मध्यौदा विवरणपत्र अनुसार एलआइसीले ३१ करोड ६२ लाख भन्दा बढी कित्ता सेयर बिक्री गर्ने योजना बनाएको छ । उक्त आइपीओ बिक्री भएमा भारत सरकारले ६ खर्ब भारतीय रुपैयाँ ९७।९७ अर्ब अमेरिकी डलर० पुँजी जुटाउनेछ । मार्च महिनाको अन्त्यसम्ममा आइपीओ सूचीकरण सम्पन्न गर्ने योजना रहेको छ । यद्दपि, भारतीय बजारमा गत वर्ष सूचीकृत अधिकांश कम्पनीहरु आइपीओ भाउ भन्दा कम दाममा कारोबार भइरहेका कारण एलआइसीको आइपीओलाई लगानीकर्ता अकर्षित गर्ने चुनौति रहेको छ ।
एलआइसी भारतको सबैभन्दा ठूलो बिमा कम्पनी हो भने विश्वका ठूला ५ बिमा कम्पनीहरुमध्ये एकमा पर्दछ । गत सेप्टेम्बरसम्मको तथ्यांक अनुसार एलआइसीमा १ लाख ५ हजार भन्दा बढी पूर्णकालीन कर्मचारीहरु रहेका छन् । यस इन्सुरेन्सले ५ खर्ब डलर भन्दा बढीको सम्पति व्यवस्थापन गरिरहेको छ । प्रिमियमका आधारमा यस कम्पनी एक्लैले भारतीय जीवन बिमा बजारको ६०५ हिस्सा ओगटेको छ ।
भारतमा पछिल्लो पटक आइपीओ जारी गर्ने जीवन बिमा कम्पनी भने एचडीएफसी लाइफ इन्सुरेन्स रहेको छ । सन् २०१७ मा आइपीओ बिक्री गरी सूचीकृत भएयता एचडीएफसीको सेयर भाउ दोब्बर बढिसकेको छ ।
ट्रेण्डिङ समाचार
ताजा समाचार
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
प्रतिक्रिया