बागमतीमा एक महिनाको अवधिमा झण्डै ४०० कर्मचारीको सरुवा
काठमाडौं । बागमती प्रदेश सरकारले एक महिनाको अवधिमा करिब ४०० कर्मचारीहरु सरुवा गरेको छ । प्रदेशले बनाएको सरुवा तथा पदस्थापना कार्यविधि २०७६ लाई संशोधन गरेर ठूलो संख्यामा कर्मचारी सरुवा गरेको हो ।
सरुवा तथा पदस्थापना कार्यविधि २०७६ को अनुसार प्रत्येक आर्थिक वर्षको भदौ महिनामा मुख्यमन्त्री तथा मन्त्रिपरिषद् कार्यालय मातहतका कर्मचारी र असोज महिनामा प्रदेशका अन्य मन्त्रालयका कर्मचारीहरु सरुवा गर्न सकिनेछ । तर प्रदेश सरकारले उक्त कार्यविधिमा संशोधन गरी माघ मसान्त उल्लेख गरेर कर्मचारीहरुको सरुवा गरेको छ ।
बागमती प्रदेशका मुख्यमन्त्री तथा मन्त्रिपरिषद कार्यालयका सचिव यमलाल भुसालले राजनीतिक अस्थिरताको कारण विगतमा कर्मचारीहरु सरुवा हुन नसकेकाले मन्त्रिपरिषदको स्वीकृतिमा कार्यविधि संशोधन गरी सरुवा गरिएको बताए ।
मुख्यमन्त्री कार्यालयका प्रवक्ता रमेश कुमार उपाध्याय लुईंटेलले दुई वर्षसम्म एकै स्थानमा काम गरेका कर्मचारीहरुलाई सरुवा गरिएको बताए । लामो समयसम्म एकै स्थानमा एउटै कर्मचारी हुँदा सेवा प्रवाह प्रभावकारी नहुने भएकाले कार्यविधि संशोधन गरेर कर्मचारी सरुवा गर्नु बाध्यात्मक कारण भएको उनले दाबी गरे ।
ट्रेण्डिङ समाचार
ताजा समाचार
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
प्रतिक्रिया