कांग्रेस पदाधिकारी बैठक ३ बजे, त्यसभन्दा अघि शेखर समूहको छुट्टै छलफल

काठमाडौं । स्थानीय तह निर्वाचनबारे छलफल गर्न नेपाली कांग्रेसको पदाधिकारी बैठक आज पनि बस्दै छ । दिउँसो ३ बजे पार्टी केन्द्रीय कार्यालय सानेपामा बैठक बस्ने भएको हो ।

पार्टी सहमहामन्त्री भीष्मराज आङदेम्बेले आसन्न स्थानीय तह निर्वाचन, म्याद सकिएका भ्रातृ तथा शुभेच्छुक संगठन र बाँकी रहेको जिल्ला अधिवेशनलगायत विषयमा बैठकमा छलफल हुने बताए ।

आगामी कार्यसम्पादन समितिको बैठकका एजेण्डाबारे पनि पदाधिकारी बैठकमा छलफल हुनेछ ।